Активен и силен Динос
Спортот и музиката се дел од мојот живот. Тоа е равенство.
Со спорт се занимавам од најмали нозе до денес.
Физички сум активен и силен. Сè уште ме држи умот и меморијата и сè уште сум подготвен да црпам нови знаења и да ги имплементирам и да делувам.
Пандемијата на коронавирусот во 2020 година си го направи своето. Ние пред тоа двапати неделно игравме фудбал. Имаме посебна фудбалска лига составена од луѓе на возраст од 40 до 70 години и ја нарековме Диноси (Диносауруси). Има повеќе учесници од мојата генерација, и сметавме дека е симпатично да го носиме прекарот „Диноси“.